06.05.2021 / Ayudas y Subvenciones
ESTRATEXIA DIXITAL E MODERNIZACIÓN DO SECTOR COMERCIAL E ARTESANAL

OBXECTO: Promover a implantación e pulo da estratexia dixital e modernización do sector comercial e artesanal.
PRAZO PRESENTACIÓN: Ata o 4 de xuño de 2021
BENEFICIARIOS: As persoas físicas ou xurídicas, comerciantes retallistas ou obradoiros artesáns que desenvolvan a súa actividade comercial en Galicia, empreguen a menos de vinte traballadores, que estean dados de alta nalgunha das epígrafes do IAE consideradas subvencionables.
ACTUACIÓNS SUBVENCIONABLES: As realizadas entre o 1 de decembro de 2020 e o 29 de outubro de 2021
1. A porcentaxe de subvención será do 80% dos seguintes investimentos máximos subvencionables:
a) Deseño e implantación de páxinas web e web de venda en liña:
- Implantación de páxinas web de venda en liña, 4.000€ (IVE excluído)
- Implantación de páxinas web, 1.000€ (IVE excluído)
- Actualización de páxina web, 800€ (IVE excluído)
b) Para a implantación de ferramentas de xestión, sistemas integrados e software adecuados ás necesidades da empresa, ata 3.000€ (IVE excluído)
c) Para as actuacións de comunicación, publicidade e marketing 4.0 en internet ou utilizando novas tecnoloxías, 16.000€ (IVE excluído), cos seguintes límites:
- Mellora da imaxe comercial, 4.000€ e publicidade en medios dixitais, 2.000€ (IVE excluído)
- Marketing 4.0 en internet ou utilizando novas tecnoloxías, 6.000€
- Servizos profesionais de xestión de redes sociais (community manager), 4.000€ (IVE excluído)
- Para a participación en eventos efémeros ou feiras dixitais, 1.000€ (IVE excluído)
- Para gastos loxísticos e de transporte de envíos en liña a domicilio ou punto de entrega da persoa consumidora, o investimento máximo será de 1.000€ (IVE excluído)
- Para a loxística e-commerce sustentable, no quilometro cero, de 1.000€ (IVE excluído)

O investimento máximo subvencionable para o conxunto das actuacións de dixitalización será de 26.300€ (IVE excluído)

2. Adquisición de equipamentos propios da actividade comercial e artesanal, en todo caso, de primeiro uso. Para o conxunto destas actuacións o investimento máximo subvencionable será de 10.000€ (IVE excluído) e a porcentaxe máxima de subvención será do 80%.

Non se consideraran gastos subvencionables a adquisición de ordenadores, dispositivos móbiles, TV, maquinaria propia de procesos industriais, a materia prima, e aqueles que non estean directamente vinculados coa realización da actuación subvencionable.

OBRIGAS DAS PERSOAS BENEFICIARIAS: Manter os investimentos subvencionados durante un período de dous anos dende a concesión, realizar a publicidade requirida dos fondos recibidos, estar ao día, cumprir o obxectivo e executar o proxecto, someterse as posibles actuacións de control, dispoñer dos libros contables e conservar os documentos xustificativos, entre outros.

Quedamos a seu dispor, para ampliar información sobre estas ou outras axudas públicas, que poidan resultar de interese.

Atentamente,